WILLEMSTAD, Curaçao (2 di febrüari, 2021) – Flow/UTS a renobá su sosten na e selebrashon nashonal mas grandi di Kòrsou.
E proveedor lider den telekomunikashon di e isla un biaha mas ta orguyoso partner di e Tumba Festival ku ta dura un siman largu; e aña aki den forma di un edishon ‘Revival’ debí na e pandemia di Covid-19.
Miéntras e pandemia a pone un paro na e tradishonal temporada di karnaval, e aña aki fanátikonan por disfrutá di e músika i emoshon di e Tumba festival via un ‘revival’ digital i seif di e selebrashonnan anterior ku lo keda transmití grátis pa tur hogar.
Pa sigurá ku klientenan no ta pèrdè ni un nota, Chippie tin un oferta spesial pa e temporada di ‘revival festival’ aki ku ta ofresé no ménos ku 10GB ku un Surf òf Combo bùndel di 7 dia i pa e mesun preis. Pues, mas ku sufisiente data pa keda konektá miéntras ku ta ‘on-the-go’ i asina no pèrdè niun solo nota di e evento musikal históriko aki.
Klientenan por aktivá e bùndel fásilmente via miUTS app òf dor di manda e kódigo surf7D òf combo7d via SMS na 3434. E preis ta keda mesun kos, esta ANG 16 pa un Surf bùndel òf ANG 24 pa un Combo bùndel. Te ku 5x mas data pa e mesun preis!
“No ta importá ki edat, karnaval ta parti di nos kultura lokal i ta un temporada ku nos ta disfrutá inmensamente. Nos ta sinti falta di e selebrashon e aña aki i sinembargo nos ta konsiente ku mester hasi sakrifisio pa garantisá siguridat di nos tur. Teknologia lo pèrmití nos selebrá e temporada aki na un manera diferente i seif,” señor Rauf Engels, Statutory Director di Flow/UTS pa Karibe Hulandes a indiká.
“Nos no ta solamente konsiente di nos responsabilidat empresarial pa duna sosten na proyektonan asina importante pa kultura di nos isla, di mes manera nos ta kontentu di por trese balor na nos klientenan pa medio di ofertanan atraktivo ku ta pèrmití nan disfrutá di e festival importante aki unda ku nan ta.
© 2017 UTS N.V. All rights reserved.