FORMANDO PARTI TAMBE DI E KAMPAÑA GRANDI  di UTS ‘YEGA HAÑA TUR KOS’

 

CHIPPIE KU TREMENDO KAMPAÑA PA FIN DI AÑA, RIFANDO KADA 2 SIMAN UN OUTO KIA NOBO NOBO I TAMBE SÈN KÈSH

Kòrsou, 29 di novèmber 2011– Awor Chippie tambe ta forma parti di e gran kampaña di UTS ‘Yega haña tur kos’, lansando asina su kampaña di fin di aña, kaminda klientenan di Chippie por gana un outo KIA nobo nobo kada dos siman i tambe sèn kèsh!

 

Pa su kampaña di fin di aña, Chippie ta SAKA 6 ganadó, poniendo mas ku ANG 125.000 na premio disponibel:

  • Promé rifa: un KIA PICANTO 2012 + ANG 1000 kèsh.
  • Segundo rifa: un KIA RIO 2012 + ANG 2500 kèsh.
  • Terser rifa: un KIA OPTIMA 2012 + ANG 7500 kèsh.

Pues 2 persona lo gana e premionan di e promé rifa. Un di nan ta bai ku e outo i e otro lo bai ku e sèn kèsh. Meskos ta konta pa e segundo i terser rifa.

 

Pa partisipá pa gana tur e premionan aki ta masha fásil! Klientenan mester djis usa nan Chippie pre- òf postpago, i pa kada ANG 5 ku nan usa sea na yamada (ekskluyendo yamadanan pa numbernan 0900) òf SMS (ekskluyendo Premium SMS), Chippie ta regalá nan un lòt digital, kual nan lo risibí outomátikamente. Pa por kontrolá e kantidat di lòt digital aki, klientenan mester manda un SMS na 7777 ku e palabra CHIPPIE, kual ta kompletamente grátis. Mas lòt klientenan tin, mas chèns di gana nan tin!

 

Kada 2 siman, hasiendo uso di e tómbola digital, Chippie lo rifa e premionan gordo mas ariba menshoná. E dianan di rifa ta:

  • promé rifa: 9 desèmber 2011
  • segundo rifa: 23 desèmber 2011
  • terser i último rifa: 9 yanüari 2012

Despues di kada rifa, klientenan lo risibí un SMS i tambe un yamada di telefòn, indikando ku ta nan ta e ganadó di sea e outo òf e sèn kèsh.

 

Klientenan ganadó di Kòrsou, mester akudí na ofisina di UTS na Rigelweg 2 i esnan di Boneiru, na Kaya Caracas 2, di djaluna pa djabièrnè durante oranan di ofisina, pa reklamá nan premio. Mester presentá si ku e telefòn selular ku e notifikashon di SMS ku ta indikashon ku a gana e premio i tambe un identifikashon bálido (sea sédula, reibeweis òf pasport). Mester bisa ku e premionan kèsh di e promé i segundo premio lo wòrdu entregá na momentu ku e ganadó presentá na ofisina di UTS, pero e outonan di e promé i segundo premio huntu ku e último premio, lo wòrdu entregá durante un evento spesial ku Chippie lo organisá pa entrega di esakinan dia 12 di yanüari 2012.

 

E kampaña aki ta bálido di 29 di novèmber 2011 te ku 5 di yanüari 2012 pa klientenan di Chippie pre- i postpago di Kòrsou i Boneiru i ganadónan por reklamá nan premio te ku 28 di febrüari 2012.

 

Si ainda bo no tin bo CHIPPIE, pasa na un di nos UTS Storenan awe mes i kumpra di bo pa bo no keda afó! Ta ku bo Chippie so, aparte di e mihó servisio, tarifanan, kobertura i ofertanan, bo por un outo KIA nobo nobo kada i tambe plaka kèsh 2 siman. Anto tur esaki, DJIS hasiendo uso di bo Chippie.

 

Awor ku Chippie tambe formando parti di e gran kampaña aki ‘Yega haña tur kos’ UTS kier a rekordá tur kliente riba nan forma di partisipá. Djis bo mester ta kliente di sea telefòn fiho, TDS òf UTS internèt i asina fásilmente bo por partisipá na e kampaña grandi aki. Den tur e tres kasonan aki, klientenan ta djis yama na 0900-1777 i sigui e instrukshon kompleto di e kòmpiuter. E ta super fásil! E kòmpiuter ta pidibu e number ku bo ke partisipá kuné. Pues sea pa bo hinka bo number di telefòn fiho òf den kaso di TDS, e number di kuenta òf den kaso di karchi di Tilin, e number di PIN i despues bo ta sigui e instrukshon ‘al pie de la letra’ i bo ta sa mesora tambe si bo a gana un di e premionan instantáneo, òf si bo a kai den esnan ku ta bai den e tómbola pa e premio gordo. Mester bisa ku tur kliente ku partisipá den e kampaña aki, yamando 0900-1777 ta partisipá outomátikamente pa e premio gordo gordo tambe, sea ku nan a gana premio instantáneo òf no.

 

Mas tantu klientenan yama, mas chèns di gana nan tin! Yamadanan pa

0900-1777 for di un liña fiho di UTS, (sea pre– òf postpago) òf for di un Chippie pre- of postpago ta kosta ANG 0,99 pa minüt.

 

E kampaña aki, partisipando ku sea telefòn fiho, TDS òf UTS internèt, ta bálido for di 17 di novèmber 2011 i e último dia ku kliente por yama 0900-01777 i partisipá, ta 14 di yanüari 2012 . Dia 17 di yanüari 2012, UTS lo saka i anunsiá e ganadó di e premio gordo menshoná te ariba. Ganadó mester akudí na ofisina di UTS na Rigelweg 2 presentando un identifikashon bálido (sea sédula, reibeweis òf pasport).

 

Un kopia di e tèrmino i kondishonnan di henter e kampaña aki ‘Yega haña tur kos’, awor ku Chippie tambe ‘on board’, ta optenibel na tur UTS Store i riba www.uts.an. Pa mas informashon i reglanan di kampaña, bishitá www.uts.an òf por yama 9242.

 

Ta na UTS so, bo kompania Nashonal di telekomunikashon, esun 100% di pueblo, bo ta YEGA I HAÑA TUR KOS.